مسا الخير
هذا العيد الاول مر والثاني اللي جاي = عسا الله يكتب فيه لقوا المحبيني
انا جالسن والقوع ثابت على مركاي = اراعي شبوب النار والناس ساليني
وكلٍ نهار العيد متهني وهناي = وانا فالخلا الخالي ولا حدٍ بياتيني
تقزيني الافكار في معمعة دنياي = مصير الليالي في عذاب المضاميني
على من عزف لحن المفارق عزوف الناي = ولا كن شيٍ صار من بينه وبيني؟
رحل وابتعد مني ولا عاد هو وياي = كما الطير لا هاجر ورف الجناحيني
انا كارهٍ لاماه لو كارهٍ لاماي = لكن يجحد ابعهدٍ مضا ثم يفاجيني؟
ضربني لطيف الروح في مهجتي وحشاي = ودمدم لـ عدٍ لا اضمت النفس يرويني
تملك جميع اشعور في ضيقتي ورضاي = إلا من غفت عيني , وإلا من وعت عيني
عسا الله لا يبلي محبٍ كما بلواي = إلا من عشقله مترفٍ ذات ردفيني
وكلن شكا حبه وانا بادين شكواي = على بايعن ماهوب للوصل شاريني
انا خابره من يوم حد الثلوث وجاي = وبعده نسا ماكان من بينه وبيني
وسلامتكم ....