السلام عليكم ورحمة الله وبركاته=
قصيده اعجبتني وحبيت انقلها لكم=
ماتدرى انى من هوى الغيـد ..خـواف=وخوفي مثل.. خوف العرب من اسرائيل
على بعض ..كلن محـارب ..وسيـاف=وان جاتهم من شرق غاروا كما الخيـل
حنا العرب من غير تسويف وأسـراف=نبنـى العمايـر ليـن ماتاصـل سهيـل
ونبوس كـف امريكيـا مامـن خـلاف=اهـم شـي الهنـد ماتقـطـع الهـيـل
بعنا الكرامـه بيعـة امجـاد الاسـلاف=وصارت ترقصنا طـرب عيـن ياليـل
نسيح فالخـارج ونطـرب ونصطـاف=وندفـع علـى سهراتنـا والمـواويـل
وبناتنا لـو تلبـس الشـورت والهـاف=بأسـم الحضـاره مابهـا اي تنكـيـل
ونقول حنا كـرام وابطـال واشـراف=ونعزف على الماضي جميـل التراتيـل
ناخذ قشـور مـن التطـور للانصـاف=ونتابـع الموضـات فاللبـس ..والتيـل
وفي بحرنا تسعـى البـوارج وتطـاف=ويفرض علينا غصب سعـر البراميـل
ونجاد يبنى.. شهر ..ويحاور اطـراف=(( وعلى الحرم)) ماكحل عيونه الميـل
وعراقنـا جرحـه عميـق ٍ ونــزاف=تقطـع اوصالـه ومامـن محاصـيـل
تقاسمـو ا ارضـه أقاليـم واصـنـاف=وحنـا نعـايـن مابيـدنـا ولاحـيـل
والقدس بيعـت بالظليمـه والاحجـاف=ولحد ٍ مصلي في حرمها مـن الجيـل
عبـاس فالضـفـه يـفـاوض وزلاف=وغزه واهل غـزه بسطـوة أسماعيـل
وكل ٍ علـى بالـه سياسـي وعـراف=وعلى العرب يلقـي تهـم مالهـا كيـل
هذا ويأسف وضعنـا كـل مـن شـاف=ويالله دخيلـك مـن زمـان الغرابـيـل
وياللى تقول انك مـن البيـض خـواف=نعـم نعـم خـواف ..واحـط وأشيـل
الحـب لـه سلـم وتقاليـد وأعـراف=ومن لاثبـت قدامـه ...يشيلـه السيـل
الشاعر/محمد السليس=