السلام عليكم
البيت هذا للشاعر محمد بن لعبون المدلجي الوائلي في رده على الشاعر عبدالله بن ربيعه عندما هجا صديقه الدوسري ويمدح في آخرها الشيخ جابر ابن صباح أمير الكويت في وقته(جابر العيش)
وهذه قصيدته:
البارحه سهر وادير التفاكير=في ذم نذل بادي بالعياره
لاطالب دم يبي له مثاوير=حتى نعذره لو طلبنا بثاره
ولاصان عرضه لوبوسط الدواوير=ولاهوب يطلبنا بقايا تجاره
من غير ذنب اركا في قفانا مسامير=واشرف علينا ناظر بعين الحقاره
حنا هل الوادي وحنا المناعير=وحنا ودينا جارنا من جداره
يشهد لنا جريس اليماني بتفخير=يومه عن أهل الدين محدن أجاره
ماحدرت وديان بيشه مياسير=كل اليمن بالسيف نملك دياره
عن المجد انشد بني يام وامطير=وانشد جماجم روسهم عند واره
خطلان الايدي كالأسود الهزابير=مقابس للحرب ون شب ناره
منداتهم يشبع بها السبع والطير=في يوم تغيب شمسها عن نهاره
حريبهم لو كان دونه نواطير=لابد مايفجا صباحن بغاره
خذ ماتراه وخل عنك الخماكير=من شق جيب الناس شقو ازراره
ترى ذهاب النمل سعيه بتطيير=خذ راسها باللي تنعزت قاره
عن قولتك ولد حسن جده صنيفير=الناس كرعان وجده فقاره
شيخ نشا ماداس عرضه بتصغير=ولاقبل يوم جذ عينه بجاره
اخذ الصحيح ان كان قصدك معايير=العيب من دار الخمر والدعاره
ويمناك تقصر عن فعل نية الخير=ومن المراجل ماذكر بك نماره
حمراك ماتذكر تلاقي المشاهير=ومقطمره بالسفح تبغي النياره
لو انت في حصن رفيع المقاصير=تنير وسط الليل ماهي نياره
من طلعتك سهمتك رقص وتسطير=وبالعون مابك عقب شعرك تجاره
تفخر بسلطان العرب وانت من غير=مامفخر البزون ليث المغاره
تدري بجدك من مقافي بقاقير=جالي وحطه مقرن في جواره
خلاه بالخدمه بدار الخطاطير=ومن عقب ذا داره برسم العشاره
وملفاك تركي يوم جيته بتزوير=عن أصلك ثم اطلعك في نهاره
واقفيت تشتم للصفرات والبير=وتقول عودٍ جيت اله واخساره
واقفلت من نجد تباري الحدادير=ومن عقب ذا شفت خضرة ادياره
لو انت منهم مارضوا لك بتحقير=عند القبايل مظهرين وقاره
ياعبيد جد امك يفحج على الكير=أصله صليبي يدق الصفاره
شطر بصنعه للحذا والمسامير=وذقنه شواه الكير لاهب شراره
عينت ثاقب تاخذه بنت بنقير=شقحا بطين وداخليه طهاره
في وسط غانة تسدى الغزل وتدير=وزودٍ لأهلها بالحياكه تجاره
ياعبيد ابن عمك خواله بياسير=وعينك عمت من شوف عيبك وعاره
ون طعتني خل السباع المظاهير=عندك اخو مريم تصلفط بداره
ابو صباح ريف ركب معابير=هو زبن مظلوم جلا عن دياره
جابر لكم سدره وانتوا عصافير=لا ضيم عصفور لجا في جواره
يستاهل البيضاء بروس المقاصير= واولاده اللي كل منهم نعاره
واللي ظهر ياعبيد من جمة البير=يكرم وسامعها جزيته نكاره
وان كان دارتنا الهبايب على خير=الا نجر ابها الربابه وطاره