[عــقــاب]

هذي قصيدة للشاعر المبدع و القوي في جميع نصوصه الشعرية..

حمد ابن قريـّـان آل خويطر العجمي.. " بـــارود "

و إعجبتني و إن شاء الله تعجبكم..

ملطوشة من أخي العزيز و الغالي سعود الخويطري "مجالس العجمان"

عفا الله عن اللي دمع عيني عليها غاش=ترا إن لحقها ذنبن فناو الله السبّة
حذفت السلام وردته مثل ماهو كاش=فلا زادته حبه ولا نقصت حبـّه
أبيها تمادا بالحكي و أشرتلي ماش=عليها العيون مركزه و البحر غبّه
على شح منطوقه و حكي العرب ببلاش=لسمعا حديثه تاوة الصـدر مشتبّه
و ساق القدم مقفي كما قولته حماش=و حسبي عليه الله فلا خاف من ربّه
و أنا أتلى العهد به قبل ننوي على المطراش=قبل قنصتي ( جدلا و مسعود و اللبّه )
علي بالحرام إن الضماير عليه عطاش=و قلبي هواجيسه من العــام تلعبّه
وقف دونها حاسد و مبغض مع غشاش=وش الراي " يالرامس " و أنا قلبي يحبّه
هواياه في جوفي مثل مضرب الرشاش=ذا جوف " بارودٍ " من العــام شلهبّه
هله قبلتن منا بعيدٍ لحد الطاش=ولابه رسولٍ يصل العـــلم و ينبّه

وسلامتكم لـ الشاعر / حمد بن قريّـان ال خويطر ( بـارود الـشـعـر )