كنت ناسي بيت من القصيده
اقتباس:
|
تهيضت في نظم القوافي واجرالحان=اغني من الضيقه ولااني بطرباني
اغني وانا ضايق واغني وانا طربان=وكما النحت في وسط الحجر جرة الحاني
حداني على الضيقه كلام(ن)بلاميزان=كلام(ن)سمعته من سفيه(ن)تحداني
يقول انت من يام ويام(ن)اهل نجران=على قولت العالم تراك انت نجراني
اذا كنت صادق ويش تاريخكم لو كان=لكم مع هل التاريخ صفحه وميزاني
اي بلاه انا من يام ذباحة الجبان=وانا لي الفخر في لابتي مزبن الجاني
سلاطين يام اللي لهم بالوفاء عنوان=رجال(ن) لهم في قمة المجد مسكاني
رجال الكرم ذباحةالكوم لضيفان=رجال المعرفه نصرت الحق والعاني
رجال الشجاعه لابة(ن) تنزل الحدان=لما هابه من له على المجد عنواني
وحنا هل الفزعات من سالف الجدان=وحنا رجال الطيب لطيب صبياني
هل العلم واهل الدين من ماضي الازمان=هل المرجله لي كشرت غبر الازماني
ترى يام دوله مستقله واخذ برهان=حدود الديار اللي بها ورث جداني
من الغرب ظهران الجنوب وشرق إعمان=وشمال الدواسر والقحاطين حداني
وشرق الشمال احدودنا وادي العجمان=وجنوب اليمن تمتد لي ساحل إعماني
وبذكر وقايع لابة(ن)ترهب العدوان=لمنه رقص في المعركه كل شيطاني
ثلاثين ليل(ن) شاب من ضربنا الورعان=على حفنا اللي في المواقيف شجعاني
تدور الرحي من فوق الانضاءوهي عجلان=هجاد وصباح(ن) بين رابح وخسراني
وغزينا لأهل نجد(ن) ولا مننا خوان=على الموت سقنا الموت من غير حسباني
حربنا لامير اللي تهجد له الشيخان=ولا مننا من يعطي الظهر هرباني
حربنا ايلين ان الامير إلعن الشيطان=وعاهدنا وهو بصلح قانع ورضياني
وهزمنا جيوش(ن)كاسره وإسمها لاخوان=بنهار(ن) تخالط فيه عج(ن) ودخاني
وفزعنا لبن حثلين في الصلب والصمان=وسرى من سرى في ليلته بات سهراني
وبني عمنا العجمان نطاحت القيمان=وفزعتهم المره بني عم واخواني
وياما غزو من حلة(ن) واخلو المرحان=وكم(ن) صباح(ن) فيه شيبن وشباني
ذكرت القليل وباقي(ن) معظم الاكوان=لو اقول فيها ملحمه غصب تعصاني
ومن إشيوخنا ابوساق والشيخ ابن هضبان=ومن إشيوخنا ابن نصيب والعلم نيشاني
ومن إشيوخنا ابن منيف ياجاهل العربان=ومن إشيوخنا الحثلين فزعه ومزباني
ومن إشيوخنا ال شريم لي ثور الدخان=تقود الصفوف وكل طابور قوماني
ولا اني بناسي(ن)المرضف رفيع الشان=من إشيوخنااللي لي قسى وقتنا باني
ذكرت الشيوخ اللي دروع وحجا واركان=شيوخ(ن)لهم صولات في كل ميداني
وحنا معاصير الدول يام ابن همدان=بني يام لي قامو زلازل وبركاني
بني يام قوم الحرب لي شبت النيران=بني يام قوم(ن) تحفظ العهد عرفاني
بني يام في الايام قصر(ن)عالي البنيان=بني يام في الايام قوم(ن) تكرم العاني
هل السلم واهل العلم في سيد الاديان=هل الحلم عند المقدره تعتق الفاني
هل الخيل قوم الليل قهارة العدوان=هل الذود راي العود يمشي على الداني
هل الكيف واهل السيف لي زاعنا الديان=هل الضرب وقت الحرب قُطع وفرساني
هل الجودطيب العود والمسك والريحان=يفوح بمجالسنا مدراسنا على التقوى والايماني
واقول القبايل وافيه مابها نقصان=حقوق القبايل وافيه دون نقصاني
وحبيت اوضح سالف الذكر في القيفان=علشان مايجهل على واحد(ن) ثاني
وعلى كل شاعر حق دامه فصيح إلسان=ويمدح بني عمه بشعره والاوزاني
واختم بذكر الله والحمد للرحمن=أله عطئ الانسان من فضله اعطاني
تفضل علي وامدني الواحد المنان=عطاني بلامنه وافصح لي إلساني
|