[علي العايد الهاجري]

يا والله اللي وإنقضت عطلة الصيف=وعوّدت أداوم عقب إجازة طويله

قضيتها ما بين باريس وجنيف=الجو ممطر والنسايم عليله

واللي معي أغلا البشر والمواليف=كل السنع به والمواري جميله

نصرف ولا نحسب حساب المصاريف=الخير واجد والتسوّق ( يبيله )

يوم ٍ نطير ويوم حنا على سيف=ويوم نتقابل به خليل وخليله

ويوم ٍ وسط غابة ويوم ٍ وسط ريف=ووسط المدينة صويحبيّ الدليله

إل English ok ما فيه تحريف=يا حبني لشرحه ويا حبني له

ولا جا بيوصف لي فديت التواصيف=يا حلو حكيه لي وحلو الحكي له

وماهوب زعل صويحبي لي على طريف=وما نيب والله بزعله كل ليله

كنت أزعله مرة ومرات تزييف=لاشوف عداد الغلا كم حصيله

زين العقل زين الطبع والسواليف=رزين وكل تصرفاته ثقيله

وشقول يا وقت ٍ جمعنا وش آضيف=أيامنا حلوة وكانت جميله

هذا المصيف الزين لأهل المصاييف=ويروح كنه حلم ما طال ليله

ولا والله إلا وإنقضت عطلة الصيف=وعوّدت أداوم عقب إجازة طويله

( عـلـــي الـعــــايــد الـهـــــاجــري )