[مبارك بن مجروب]

السلام عليكم ,,,
مصارحه ثانيه على امل ان تنال على اعجابكم
وشكرا ,,,

الجوع هذا الي تحسه ماهو جوع=الجوع جوعك يابعد كل من جاع
جوعان شوفك وانت فرقاك بتلوع=قلب المعنى ليت ماكان ملتاع
شف في عيوني كيف ماباقي دموع=واتناظر اضلاعي ولاهي بأضلاع
حتى الخفوق الي من العام مفجوع=بكى... على شوفك ومن عقبها ماع
يصرخ ابي قربك ولو كان ممنوع=طماع في شوفك وابا موت طماع
ثمر الغلا مابيننا اليوم مزروع=ازرع هوانا والهوى فيه زراع
جمعتلك من حب قلبي كذا نوع=عل وعسى ينفعك نوعن من انواع
لاصرت توصلني من اسبوع لسبوع=ابشرك حبن لقيته ترى ضاع
اشوف وصلك اشبه بحبة الكوع=لابارك الله فيك ولا بالاكواع
وشلون ماتسمع ولي صوت مسموع=ومنك فؤادي قد غدى اربع ارباع
ان كان باهل الحب صارع ومصروع=اكيد انا المصروع والشوق صراع
يالوع كبدي بالهوى لوع يالوع=لوعة فقيرن كل بزارينه جياع
اصغرهم يجاغر وشيبتهم يزوع=وعزي لمن مثله من الضيم قد زاع
الله يسهل لصبح الخط مقطوع=عقب التجافي شوقن ولوم واوجاع
الراس همه هم والقلب موجوع=كمل غيابك لي مسافاتن وساع
لاصارت الفرقى غصيبه بلا طوع=فارق ,,, وانا عيناي في شوفك جيآآآآع

وسلآآآآآآآآمتكم ,,,,,,