[وردة&العجمان]

يااناس وين بلقى مثل الوفي بهذا الزمـان=وينه قريب مني وقت الشده ترى باحتاجه

وينه فديته بذكره بصيته يطيب لي المكان=لـخاطري دايمٍ سموح وماتهزه عـثراته

للوفـي ابوح بالسـر وكلي معه امـان=هرجه بالسوالف العذبه الموزون بكلماته

الوجه للوفـي منور بشوش بجميع الاحيان=ماتشـوف وجهـه بالعبوس لقبلت بنظراته

صحبته ماتملها ولايمر عليها زمن نسيان=تفتخر بالقرب لأراضيه وماتنعاف جلساته

والصديق الردي تنعاف مخاواته مالهاامان=وان هرج ماتصدقه لومجَـد بكثر هرجاته

عشرته نحيسه ماتنقبل في كل الاوطـان=لاغبت ورحت عن مجلسه يومين ياكثرنماته

وان بغيت الكرم مايلووح على بيته العنوان=وبيتعبك وتحتار وتحتاس وبتمل كثر هفتاته

الوعد ابشر منه والله لوعده بأوله الضمـان=وبتالي لتنفيـذ الوعد تتعب وبتمل من غاياته

ترى الردي لو توفي معه و تبادله بحسـان=ماتلقى غيرالشوك والكذب تجنيه من جزاته

ياناس ليت الوفي يعوض بـذا الزمـان=خلوه يسمـع اخر مابكتبه وهو لـغلاته

من عرفتك غلاك يزيد ماخالجه نقصـان=ولا حامه من الشوايب ما يكـدر صـفاته

وينك بارجـاك ماتظن وتشك بي الغلطـان=ولاقصرت بالوفـا معك وارخصت الصداقه

ياصاحبي الوفي اشوف خاطرك على شـان=وهذا يزيد الكيل بالهم حملي ويقهرني زيـاده

تعبت اقلب دفاتر الماضي وادور بكل عنـوان=لقيت مضمونها عهد الوفى بيني وبينك اتفـاقه

ومن كان بينهم الوفى موجود كما المـيزان=ماينقص الوفـا من الفراق ويقل من مقـداره

والاكيد لاشك الفراق تتبعه غيوم من الاحـزان=لكـن الغلا والعز للوفي شرواك ثابتٍ بمكـانه

بطلبك الحفظ لذكرى الماضي تصـون مهما كان=وتراك الصديق الوفي مهما طالت عني مسافاته

افترقنا وابتعدنا وبي حزن الهـم للسبب شفقان=وبشهد انك الوفي والدليل تثبته وماذكرت اسبابه

وسلامتك
دمووووووووعه