من يم ابو فيصل لفاني تشراه
منقود من غالي عسى الله يعزه
يا كبر مشروهك على النفس كبراه
في وسط جوفي كل يوم (ن) يغزه
قم يا نديبي فوق جيب (ن) شريناه
فكس آر فالممشى سريع (ن) مفزه
عليه قرم (ن) يعجب العين ممشاه
الا نوى درب (ن) هميم (ن) يقزه
قطع الخريم غايت القرم وامناه
للموقف الجبار راسه يرزه
منصاك عود (ن) تفعل الطيب يمناه
رمز الوفاء والطيب في كل حزه
سلم على راسه وقل علمي اعفاه
مابه من الزلات شخص (ن) منزه
الا محمد جله الله واحاشاه
الله رفع قدره وشانه وعزه
اللي حصل حصل على غير مشهاه
كبوة جواد بيعجبك في ملزه
من طاب ساسه طاب فرعه ومجناه
والا الردي ماينبغى لو ترزه
انا غلطت وطالب العفؤ وارضاه
العفؤ عقب العذر يا هل المعزه
ثنتين لابن آدم على الشين تحداه
ابليس والنفس الضعيفه توزه