[عزوف]

نفسيـأ ارتـاح لامــن جـيـت هالسـكّـه
يـا قبلـت الله . ويـا ملحـه علـى بيـتـك

يا اغلى من اغليت يا وسط (الورق ) . ( إكّه )
لــو كـنـت دمـعـه تنهّـدتـك وهلّيـتـك

بلسانـي الطلـق لا شفـتـك تـجـي لـكّـه
وانــا محـنّـك وليـتـك تفتـهـم ليـتـك

بـابِ يجـي منـه ريـح ومزعجـك صـكّـه
قـل منـك مليـت و (اقطعهـا ) اذا جيـتـك

وبـابِ يجيـب الهنـا .. ومريّـحـك فـكّـه
قلـي فديتـك .. وانـا افـدا حيّـك وميـتـك

مـا قلـت احبـك عبـث وإلا مـن الشـكّـه
تبيـنـي اقـسـم؟. قـسـم بالله حبـيـتـك

انـا تولّعـت بـك مـا عــاد لــي فـكـه
مـدري البـلا مـنـك وإلا إنــي تبليـتـك

لـو كـل ذنـبِ تغفـره فــي ذرى مـكّـه
كفّـرت ذنـبـك ولا شفـتـك ولا اطريـتـك



الشاعر سالم حمد الملعبي