السلام عليكم كل عام وانتم بخير قصيده اعجبتني وضحكتني للشاعر بسام الفليح وان شاء الله تعجبكم يا نوف أنتي خلاص بكـرى تبـي تصيريـن دكتـورة =وأنـا تــوي بـعـد يالله خلـصـت الثانـويـه حياتـك كلهـا بــرى يـا نـوف تحـضـري دورة =وأنـا مــرة بحيـاتـي ما تعـديـت السعـوديـه أنا حدي الرياض أن طرت وصلت لـراس تنـورة =وأذا مسـوي بهـا كاشـخ تعـديـت النعيـريـه أنـا أسـأل وش تبيـن بواحـد مثلـي وديكـورة =أبـد لا يغـرك الصـورة ترانـا عـيـال فقـريـه يفـز القلـب لا دق ( الرقـم الخـاص ) بشـعـورة =مكالمـه ( ولا يـوجـد رقــم ) معـنـاه دولـيـه وقالـت هـاي أوريـو وأنـا أقـول مشـكـورة =تــرى مـاحـب الا أنــي أحـكـي بالعربـيـة وهي ما تـدري فـي أنـي ولكـن هـي مجبـورة =وأنا مـن جنبهـا ما أعـرف ولا كلمـة أنجليزيـة أنا أحسبها كـذا مـدري وأقـول البنـت مغـرورة =مـا أدري أنهـا أصـلا كــذا أصــلا طبيعـيـة طبيعتـهـا كــذا حـلـوة ودلـوعـه وأمــورة =وبنـت مـدلله مــرة تـربـت ع الرومنسـيـة تغيّر ( لوكهـا ) بصبغـه تقـول البنـت مسحـورة =ومـرة بلوكهـا تطلـع تقـل قـطـوة شيـرازيـه تقول الحين فـي لنـدن تـرى الاجـواء ممطـورة =فـي عاصمـه الضبـاب هنـاك الاجـواء ضبابيـه وجابت لي أسـم شـارع مـن أسمـاء مشهـورة =في شارع مـدري( أجول رود ) تتمشـي صباحيـة وقلـت أنـي أنـا مثلـك ماخـذلـي بـعـد دورة =( علي شارع أبو الأسـود تقاطـع شـارع الميـه ) وتتسوق فـي هـاراوودز تبـي تشـري أباجـورة =وأنا أتسوق في سوق ( حجاب ) أبي أشرى لي طاقيه علي لـومينـا فضيـة عصـاة القيـر مكسـورة =أهجـول با النسيـم الشرقـي بجـالـه مزاجـيـه ماأسمـع الا ( محمـد عبـده ) روووح أبـو نـورة =وأنا مع صـوت أبـو نـورة ماأسمـع اي أغنيـه أنـا كنـي مثـل زيـدان وأنتـي كنـك الـكـورة =يمـررهـا الــي فيـغـو مـرتـدة وعكسـيـة أنا عايش بوضع بس ذبحني الوقـت فـي جـورة =وأنتـي عايشـة أصـلا وضـعـك ع الرفاهـيـة قضيتي العمر مـن دولـة الـي دولـة ومعمـورة =من لندن الـي باريـس سفـر فـي كـل صيفيـه حياتـك كلهـا يـانـوف لفيـتـي الـكـرة دورة =وأنـا مـرة بحياتـي مـا تعيـديـت السعـوديـة اختكم ريــــــــــانه العـــــود