[جطلي بن فهد]

علمني اشتاق مثل اول وعلــمني=كـــيف اتغنى وكيف اشتاق لعيونك
عودت قلبي واحاسيسي وما مني=عادي احب وعادي اعيش من دونك
هو انت صادق تعشقني وتولهني=وانك الين الفجر ما تغمض جفونك
ضيعتني منك وبأسبابك مضيعني=اتبع هوى اللي على قولك يفيدونك
قلبي حملتة على كفي وصـــدقني=كافي عليه الهموم ولعبــة جنــونك
علمتك شلون توفي جيت تطعني=علمتك المستــحيل وخابت ظنــونك
علمتك الأهتمام وصرت تهملني=قلي من الليّ عقب خالد يهمــونك
تعبت اعلمك ودايم مخلف ٍ ظني=كني اصب اللبن في غير ماعونـك
خاطرك ضيّق قلي كيف تفهمني=ما انت اتحمل هلك لا جو يحاكونك
كيف أتحمل كلامي وانت مبعدني=ضيعت دربك وكان الله في عونك
ماني بمهتم واصلا منت شاغلني=بكره بتدري عقب ماهم يجافونك
لاصرت تقسا وتبعدني وتطعني=نذر ٍ علي ما تعل مياهي ظعونك
رح جعلك امحق غرام ٍ يامغرمني=وضريبة الحب ادفعها من ديونك
علمني انساك ولا لا تعلمنـــــــي=لاني بعلمك كيف اعشقكّ واخونك
تدري بخليك لين انك تذكرني=الوعد باكر عقب ماهم يخلونك

للشاعر
خالد علي المري


اتمنى ان تنال اعجابكم