[صـــبـــــــــا]

المشاركة الأصلية كتبت بواسطة مهره

الله يسعد اوقاتكم بكل خير...
أتمنى تقبلوني عضوه جديده وأخت لكم في هذا المنتدى المميز....


حملت لكم اولى مشاركاتي لديكم وأتمنى من الله
أن ترتقي لمستوى
ذائقتكم الشعريه الفاخره..

ناديتني واقفيـت ماكنـي أوحيـك=وقلبي قبل سمعي يلبـي حروفـك
ماكني أسمـع والمشاعـر تلبيـك=ولاكني أشوفـك وقلبـي يشوفـك
عينك تراعيني وعينـي تراعيـك=وطول وقوفي وأنت طول وقوفـك
لا العين عايفتك ولا القلب مسخيك=لاشك لي ظرفي وعندك ظروفـك
لو بغلاتك عنـد مغليـك تشكيـك=ماشفتني عاميـن أخايـل قنوفـك
وش يرخصك ياغايتي عند مغليك.؟=وأنا حياتـي كلهـا فـي كفوفـك
يسري معك فكري ويسكن نواحيك=وتنام في محجر عيونـي طيوفـك
كن المشاعر تعطش لذكر طاريـك=وكن العيون تجوع والزاد شوفـك
وكن القصايد كلهـا تنكتـب فيـك=لكنهـا عجـزت تعـدد وصوفـك
وتقول أنا مابيك.؟!! لاوالله أبيييـك=ويلوفنـي شـي ٍ بقلبـك يلوفـك
(لبيييك لو سمعوا الى قلت لبيـك=لبيك من خافي ضمايـر هنوفـك)

أول شي حياك الله بيننا يالشاعره المهره والعين اوسع لك يالغاليه ...
وجودك بحد ذاته فخر لنا وانشالله انك تستمتعين معانا وتبهرينا بجديدك الشعري ...
بالنسبه للقصيده مبـــدعــــــــــــــــــــــــه ماشاء الله عليك
وصح الله لسانك ودام بوحك ونبضك كل بيت احلى من الثاني
... بأنتظار جديدك بكل شوق ..

أختك : صــبــــــــــآ