فزعه ل بن صوان ياربعنا جيت==تكفون لا تخلون راع العوايد
اللي معودنا على جمعت البيت==واللي جمعنا للتشاور محايد
في عز ربعه مايبي زود تشتيت==دام التجمع عز والعز سايد
يكفي فخر ياالقرم ياذايع الصيت=انك فخر ربعك وللعز قايد
فيك الحميه واضحه ماتلهيت==وفيك الوفا والجود والطيب زايد
الرايه البيضا لك اليوم حييت==وللطيب تاخذ في علوه فوايد
نفخر ابمثلك وانت حر وتعليت==فوق الجبال العاليه والفرايد
امن الجنوب اللي ورى الخرج مع هيت=علمك تفاخربه جموع وبدايد
ومن قاصي الوادي الى حد لكويت=وعلمك فخر للكل مثل الوقايد
رفعت رايتنا ابد ماتوانيت==وحدتنا جمعتنا وانت رايد
رايد بكسب الطيب ماقلت مليت=والطيب يزهى لك قديم وجدايد
تفخر بك الشعار لاقبلت وقفيت=وانسطر افعولك حروف وقصايد
ماقصروا ربعك مثل ماتمنيت=ربعك هل الفزعات وقت الشدايد
جاوك كما الفرسان يومك تعزويت=فزعاتهم لك طيب علم(ن)وكايد
والعذر منك كان في القاف زليت=وادمح لي الزله ونظم القصايد
فزعت لك لاني بحين ولاميت=يفداك كل الكون والعمر بايد
الطيب لك عاده وللمرجله صيت=وتبقى يابن صوان راع العوايد
والسموحه على القصور.وانا كتبت في كل واحد من الربع قصيده.اللي مع ابن صوان وان شاءالله راح
تقرونها قريبا.اذا سمح لنا المراقب