[ذايع الصـيت]

السلام عليكم ورحمة الله وبركاته ,,

إخترت لكم قصيده من الأرشيف وأتمنى أن تحوز على إعجابكم :

الله يسعد لي صباح اللي سمعها أو قراها -- والله يسعد لي مساه اللي خفوقي ذاق ودّهـ
مادامها لقافي طلبت واللي طلبها من غلاها -- جتها هواجيسي طرب والشعر لعينيها نعدّهـ
إلهامي بين كفوفها حاكم وبأمرهـ عطاها -- أوامره ببدْع الشعر والقاف ما شاعر يردّهـ
أقول طاعه له وسمعي بحكيته لا من حكاها -- مجبور أو ممنون قلب ٍ ما رجينا منه صدّهـ
أهلين يا ترف الصبايا , يا عناها ويا شقاها -- يا معذ ّب قلوب ٍ خلت إمن المحبّـه والمودّهـ
مادام للإنسان عقل , وغايته يدرك مداها -- ويعرف الفكر الصغير وكيف تفكيره يحدّهـ
ويعرف النفس الرضيّـه وكيف يعطيها رضاها -- ويعرف إن وقته رخابه لازم إنها تجيه شدّهـ
وإحنا على الدنيا عرفنا مبتداها ومنتهاها -- وعرفنا وشلون الزمان لكل رجال ٍ يضدّهـ
حتى القلوب الصاحيه تتعب وهي تبحث مناها -- وإن كان ما جات الأماني ما طلبناها تردّهـ
الروح فيها علة ٍ أبطيت وأنا أدوّر دواها -- من الجنوب إلى الخليج , حتى وصلت لبحر جدّهـ
لاجات في فصل الشتاء نبحث عسى نلقى دفاها -- وفي صيفها نعجز ندوّر ظلّـة ٍ لو مستبدّهـ
أحلم بغيمه تمطر وتسقي زهر روحي بماها -- وإذا لفتني يا عساها لقاع روحي مستعدّهـ
العين تتعب تنتظر من غاب له مدّهـ ماجاها -- وياعسى الغايب يجي ولا يطوّل في مصدّهـ
يالله يارب العباد العالم بما في خفاها -- تفرج لمنهو عاف وقته والسبب ماهوب ودّهـ
بدعت قيفان الشعر لعيون من شوقه قراها -- اللي حوت أشجان قلبي ومنه شعري أستمـدّهـ
يسعد مساك وكل وقتك والسوالف من حكاها -- هاجسي جاك بطرب لعيون من قلبي يودّهـ

وســـــلامتكم

أخوكم / ذايع الصيت