[سعد بن سريّع]

.
.
.

اخــــر الحصـــاد واتمنــــى تقبلهــــا
بقبـــــول حســــــن


سـلام الله يا وجه القابله يالصادق الكذاب
تعشـيت البشـــر وقـلوبها ما هي خلاويـه

طروشك لا سليت تحطها فالعين والاهداب
وانا عيـني من ضيوف الزمن قـدها حياويه

تقــدم ما تلاقـــي فالضميـر وتـوفي الترحاب
لو ان اللي بقــى من دمعها قطــره سماويه

تغاضى جفـنها من حـرّها لو دمعها سكاب
تدفـّق . . كل ما بيـر الغلا هـزّت عراويه

،
،

قلوب الناس ديره كل غصن ٍ في حشاها ذاب
على قطر الندى صارت مرابعها شفاويه

تخيـل البارق اللي مـرّها في مزنته ثـــم غاب
غريبه ليه من عقـب الوفـا نفسه قصاويه

يسليـنا الزمان بفرحته . . واليا كلح بالناب
عرفت ان النفوس اليا ازهرت تبقى شقاويه

تصد من النسيم اللي يجي في ريحة الاحباب
لو ان النفس عن ريح الهوا ما هي غناويه

يا كم من مرة ٍ عديت فيها عالي المرقاب
نسيمه ما يناسب راعي النفس الهواويه

خذيت النفـس عن حكي العذول وشرهة الاجناب
قلوب النّاس ما عادت بها رحمه وماويّه

سريت الليل في عـد النجـوم وسيرة الغيّاب
عسى فالليل خيره للموادع من بلاويه

يا وجه القابله صدقــك قليل وحضـرتك كذ ّاب
تعشيت البشـر وقلوبها ما هي خلاويه

وســــوالمــ ,,,