السلام عليكم ورحمه الله وبركاته ... أخواني وخواتي الأعزاء أنا كتبت هالموضوع عشان ارحب بالعضوه ( أغلى منـ روحيـ ) من جديد بينا ... ومره وحده أقولكم على سالفه صارت بيني وبينها وشلون أنا عرفتها أنا عرفتها من خلال المنتدى في تاريخ ( 25/2/2008 ) تقريبا ... وصرنا نتقابل بالماسنجر ... وتصوروا من أول يوم اكتشفت أنها تقطن بنفس منطقتي ... <<<<<< انا تشققت من الفرحه وقعدت أسحب منها الحجي عشان ابي اعرف هي بمدرستي والا لا ... المهم :_ سألتها أنتي جم تاريخ ميلادج <<<<<< عشان بروح ادوره بالكشوفات <<<< داهيه وعطتني اياه وخذتنا السوالف وسألتها انتي اي صف ... الخ ... لما رحت المدرسه رحت طياره على صفها وادور بالأسماء ... احنا عندنا الاسم يحطون يمه الرقم المدني وانا عن طريق الرقم المدني اقدر اطلع تاريخ ميلادها ... المهم انا دورت ودورت ودورت الييييييين لقيتها ... تشققت انا من الفرحه ... وصرت اشوفها جدامي كل يوم وهي ماتدري عن هوى داري وصرت اسحب منها الحجي شوي شوي لين تأكدت انها البنت اللي انا اشوفها ... وانا قلت لها عن أسمي عن طريق الماسنجر وهي عطتني اسمها ... وانا بصراحه ما كنت ناويه أعلمها اني بمدرستها ... بس قلت حرام ماباجي شي واتخرج ... عقب بتشوف اسمي بالجرايد وتكتشف اسمي وبتسألني وانا ماراح اجذب عليها ... فرحت قبل اسبوع قبل الطابور ... وناديتها هي طبعا استغربت لأنها ما تعرفني شكو مناديتها ولما جاتني قلت لها ... ( قوه ....... شلونج ؟؟؟ شخبارج ؟؟؟ ) هي قالت ( هلا والله بخير الله يسلمج ) جان انا ادخل بالموضوع دايركت وقلت لها ( انا ماباجي شي واتخرج وماهان علي اتخرج قبل ما اقولج انا منو ) هي تطالعني مستغربه ... قلت لها ( انا فلانه ) هي ما استوعبت ... عقب استوعبت وضمينا بعض وصارت تعاتبني ومن هالكلام ... والحين احنا رفايج شرايكم فيني حلوه حركتي والا لا آسفه على الطاله بس حبيت اذكر قصتي ... وابأنتظار ترحيبكم في حبيبتي ( أغلى منـ روحيـ ) ... تقبلوا خالص تقديري ...
__________________