بـــســم الله الــرحـــمـــن الرحــــيــــم
يامحمد أخلص ولا تطولها وهات المختصر=لاتنشد إلا من مياه النيل و برج القاهره
ولاعاد تسألني وش اللي مبطي بي في مصر=ليت العيون النايمه سوت سوات الساهره
البارحه عند العصر ماكن حنا عند العصر=غشى سواد الليل عين اللي زمانه قاهره
من يوم شفت أم العيون السود ضامرة الخصر=وأنا أتحاشى شوفها ولا عيوني جاهره
علي الحرام أن كنها تعصر معاليقي عصر=إليا أستمال عويدها اللي كنه ربي صاهره
لو أن ماهي تستاهل أن زين الملا فيها حصر=ماكان حتى عروقها من خلف يديها ضاهره
قامت وقام الناس ومن جاء بيتعداها قصر=حسبي عليها أن كانها على التغنج ماهره
خلت جماهير الهلال تشيل أعلام النصر=نادي النصر من لبسها شهر وربي شاهره
لو أني معها في عريش أخير من بيت وقصر=مزالها يسمو على كل البيوت الباهره
هذي مصر وأن بغيت تعرف وش معنى مصر=أشرب مياه النيل ولا ذب برج القاهره
وسلامتكم ,
لمشاهده القصيده صوت وصوره :
أضغط هنا
أنتظر قليلاً ويظهر لك الصوت .
تحياتي
البشـر
.