لا تعتذر مال الهجر منك تبرير ***وصدك بليا ذنب والله ضليمه
ماصارلي بعدك يفوق كل تصوير *** تجدادة كل الجروح السليمه
بعدك لعب في هاجسي وتفاكير *** وقلبا(ن) جريحا(ن) وصب(ن) مهيمه
ماغير اسلي خاطري بالمشاوير *** اروح وارجع والهواجس مقيمه
ياحبي يالي بين بيض الغنادير *** لك في عروش القلب قدرا وقيمه
ان كان صدك ماخذا عني الغير *** روح لو ان الخساير وخيمه
فان كانها عني خذتك المقادير *** فالعفو عند المقدره فيه شيمه
يامرحبا والحب كله معاذير *** تشفعلك ايام الغرام القديمه
لا مال الهوا لا زارني منك عصير *** اضم في صدري من اجلك نسيمه
واليوم اصبر خاطر الوجد تصبير *** واقول صدك عقب وصلك جريمه
الشاعر:الادهم
EMAIL : bandr2500@hotmail.com