ياصفحة التاريـخ امجادنـا غيـر
دواسر(ن) وفعولنـا زود فـي زود
دواسر(ن) والكل يشهد هل الطيـب
حنا الكرام ومركـز العـز والجـود
وبين قوسين حنا سجل (مطانيـخ)
نعطـي ولا نبغـي منـه ولا فـود
من عصر ابن بدران لا وقت ذالحين
مراجل(ن) متوارثينه مـن جـدود
حنا الدواسر واشهـدي ياتواريـخ
اطيب مراعي نجد ملك(ن) وبحدود
من وقتنا الماضي والناس في خوف
لاسمعو عزاوينا مثل برق ورعـود
وفي وقتنا الحاضر جنود وطوابيـر
فالجيش والتعليم وسهود ومهـود
والله يعز الدوسـري ويـن ماكـان
ويجمع قبايلنا على خيـر مـارود