ياللي تحد قلبي علـى أقصـاه=ماعاد بي حيله على الضيـق
وقت الردى كل شـي سـوّاه=رخومـه تــذم المطالـيـق
ماعـاد اطيـق الهـم وأقـواه=شلت بشبابي فوق مـا اطيـق
ذي آخـر أحوالـي وطـرّاه=يومك تقول إن كنـي طويـق
إيـه والله إن فينـي مزايـاه=وإن بينـي وبينـه مواثـيـق
بس صاحبـك ماجـاه كفّـاه=مليت من قولة (( توافيق )) !!
حتى الشعر شكلـي أبظمـاه=ماعـاد تغـري بلّـة الريـق
كـانـت معاليـقـي تمـنّـاه=واليوم !! هو جرح المعاليـق
يطري علـي واقـول عـزاه=يانشـوة الفرحـه ابتصفيـق
واطري عليه ان تاهت اخطاه=يلمحنـي بـروس الشواهيـق
حتيـش لـو إنّـا حشمـنـاه=ماتـردع الحشمـه مطافيـق
في ذا الزمـن ماتـت بقايـاه=روح امسح دموع الطواريـق
غنّى لك اللي متعـب اغنـاه=لاجـر صوتـه همّـه يفيـق
لايكتب الضحـك ولا يقـراه=كنه لحـزن القـاف عشّيـق
بتصدق شعوري !! أو إنسـاه=بصرك ترى ما احتاج تصديق
قد قلت لك واوصيتك وصـاه=لاتنبش جـروح المخاليـق !!
هالقلب لاتحده علـى أقصـاه=مالك ومال الهم والضيـق !؟
سلمتِ إختي زود الغلاا على اختيااراتك الذووق
و صح الله لسان شاعرها