[الوضحه]

مرحبا,,

أترككم مع هالجبل الشعري..

يسير البنادم قاصد(ن) في طريقه شيّ=وهو بالقدر محكوم وخطاه مكـــــــــــــــتوبه


مايدري تجي دنياه وأمره كما يبغي=وألا تنقطع الأنفاس-والأنفاس محســــــــــــــوبه


كم من واحد(ن) روّح وجت روحته هي هي=غدت به اصروف الوقت ماكـــــمّل ادروبه


طويت صفحة أيامه على غير علمه طيّ=وهو يبني الآمآل طوبه على طـــــــــــــوبه


فلا خير في دنيا التعاسه ودنيا الغيّ=إذا ماتسير إل خدمة الدّين مركــــــــــــــــــوبه


إذا مابها دين(ن) يظّلل سواة الفيّ=فلا عيشها طيّب ولاهيب مرغــــــــــــــــــــــوبه


وملا كسب فيها الجميله وراسه حيّ=لا من مات مايجزى بذكره سوى الكـــــــــوبه


وخوّة هل المعروف والموقف المحميّ=تنومس رفيع الجاه واتزيد ماجـــــــــــــــــوبه


ولا يكشف أصناف الرجاجيل سمح وعي=إلا الطرقه اللي كلّها هول واصعــــــــــوبه


أما يكشف الرّجال عن طيبه المخفي=وألا تنكشف دعواه واتبيّن اعــــــــــــــــيوبه


وخوّة رديين المواجيب علم(ن) سي=مايجني مخاويهم سوى زود عـــــــــــذروبه



أمّا أنّه وقف في موقف(ن) مايجمل حيّ=وألا لحق شي(ن)من دنسهم طرف ثوبه


ون حاول ينزّه لحيته عن خطا المخطي=تسلّوا أليا قفّا.على شذب عرقــــــــــوبه


هذي تجربة منهو كوته التجارب كيّ=ألين أثّرت حتى على واقع اسلـــــــــــــوبه


فقير(ن) لربه غارق(ن)في ذنوب الغيّ=لو ما تحتويه وتوسعه رحمة التـــــــوبه


ياربّ الفقير المستجير ابك والمنهي=عن الذنب قبل تآخذه تغفر اذنـــــــــــــــوبه

{ســعــد بن جــــدلان}