[القلب الطيب]

المشاركة الأصلية كتبت بواسطة الوضحه

استسمح من صاحب الموضوع..ومن اللي تجادله الاخت..

يعني اولا الرجال مايخذ قدره من مره..مع احترامي لش..

وعيب على المره انها تنقص من قيمة الرياجيل..عيب!!

وبعدين انتي جايه تهابدين الله يحيش وانتي ماتدرين وش السالفه..شمعنى حكيش يوم تقولين"والبيرق ماهو غاية الرجال ولكن وسيله والحمدلله ربعه ماقصروا يومنها بالسيف والعنجهيه"

يعني مثلا البيرق وسيله على حكيش ..وسيله لويش؟؟

وشجاب السيف والعنجهيه..الرجال يكلمش في مجال الشعر..ماجاب طاري الهيّه..الله يهديش..

واذا تعرفين بزر قال قصيد هاتيه نكرمه

ويومش تقولين ان حتى النسوان كتبوا القصيد..هذا يعني تنقصين من قيمة المره؟؟

وانتي وش تطلعين..والرجال ماقال ان الشعر هو مرجله قال ان الرجال اللي ينقص من قدر الرياجيل ماهوب رجال..

انا اقولش يا اختي العزيزه..

لاتهابدين وانتي ماتدرين وش تحكين..

السموحه ع الازعاج
واهداء بسيط .. اذا تقدرين وصليه ل(خليف)

يستاهل العليا زبون المناعيـر=راعي حصان في المواقيف قاحـم
محمد بن فطيس نسل المشاهير=رجل(ن) ثبت يوم الرجال اتداحـم
من روس يام مفرقين الطوابير=نعم بهم لامن عوى الذيـب ساحـم

سلام..

"احي رجالها ولا تخيب بالها"

حي ذا العين يا الوضحه

ودي اتحاكى قد لي يومين واستحيت ارد على مره

ماحن نوجع الحريم ولا ودنا ينقدون علينا العرب يقولون حط راسه براس مره

لكنش عطيتيها اللي تدور له وكان ردش في مكانه

لا تجاوزتي ولا تعديتي ولا سبيتي يعني رد قمة

بيض الله وجهش يا بنت الشايب