[كلاش]

المشاركة الأصلية كتبت بواسطة سماوي بن نجم

منا الدعاء والله عليه الإجابه=منا السعي والله كفيلٍ بالأرزاق
والله ميأس دامني في جنابه=ولا أرجي سوى ربي لو إن الفضا ضاق
انا على دين النبي والصحابه=ماني بلا مشرك ولاني ببواق
الآدمي هو ليه يفقد صوابه=يجزع لطاري الشر وللخير تواق
الرزق ما هو بالدهاء والذرابه=الرزق بيد اللي له الخلق تنساق
والصبر خير وعاقبته استجابه=والقل ما يمنع كريمٍ من إنفاق
والجود جود اللي قليلٍ زهابه=ولا من عطا يعطيك من كل الأعماق
هذاك لو تطلبه يعطي ثيابه=ماخاف فقر.. ولا حبس خشية إملاق
العام الأول كنت اراقب سحابه=وانظر لها يا خوك بعيون مشتاق
كنت اتحرى عقب ضيقي رحابه=وأقول هلت كل ما خلت براق
واليوم ابشر صحبتي والقرابه=جاني من الله خير طاقٍ على طاق
أنا أحمد اللي عزنا في كتابه=وارسل لنا خير البشر سمح الأخلاق
المصطفى الهادي عظيم المهابه=الذي بذكره نوّرت كل الآفاق

للشاعر
طلال حمزة

لاهنت يالذيب الجزل مايجيب الا الجزل