[صمــت اليتــاما]

السلام عليكم ورحمة الله وبركاته


,

اذا لك شف في شوفي .. ترانـي=على شوفتك .. صحيـت الأمانـي




زرعت الشـوق كلـه بأنتظـارك=و أخذت الأنتظار .. و جيت عانـي


نسيت الناس لكن .. مـا نسيتـك=عجزت أنساك حتـى لـو ثوانـي




مليت الكون .. و أشغلت الجوارح=نظر عيني .. سماع أذني .. لساني

عطيتك شيء ما هو عند غيـرك=و لا قصـرت .. لكنـك أنـانـي

غيابك صعب و الأصعب وجـودك=و انا فالحالتين أتعـب و أعانـي


حبيبـي لا تواخذنـي .. و لكـن=أبيك تحـط نفسـك فـي مكانـي

اذا جيتـك و انـا مشتـاق تقفـي=تجاهلنـي و كنّـك مـا تـرانـي

و اذا صديت عنك و قلـت أبرحـل=وقف قلبك على البـاب و دعانـي

و لو سويت نفسـي مـا اشوفـك=يميل القلـب صوبـك و يحدانـي

أنا يا ابن الحلال أصعـب حكايـه=كتبني الوقت .. لكن مـا قرانـي

مضى عمـري و تقـدر تعتبرنـي=غريب .. و في زمن ماهو زماني




زماني راح مع نصفي .. و نصفي=نسى نفسه مع الوقـت و نسانـي

أسافر حزن .. و الصحبـه ثلاثـه=أنا .. و الصبر .. و سهيل اليماني

و اذا مريت فـي بـلاد الطفولـه=فتحت الصدر للحـزن و طوانـي



هنا .. دمعه جرت من عين جاهل=هنا .. لاقيـت همـي و التقانـي

هنا .. باعتنـي الديـره و أهلهـا=هنا .. ضحيت لفـلان و جفانـي

هنا .. حاولت أصيح و ما سمعني=سوى بعض الشوارع و المبانـي




انا يـا سيـدي .. دقـه قديمـه=بغيت أخذ من الوقت .. و خذانـي

على الأنقاض واقـف دون حيلـه=أشوفك وجهتـي بيـن الموانـي


انا شاعـر عيونـك يـا حبيبـي=مع التحريف في بعـض المعانـي

و مـا نيـل المطالـب بالتمنـي=و لكـن شوفتـك كـل الأمانـي




محبة صـادق النيـه .. قصايـد=و محبة ساقـط النيـه .. أغانـي

قسـم بالله لـو موتـي بـيـدك=و أموت الفين مره .. مـا كفانـي

و أذا باقي من الطلقات .. طلقـه=دخيلك .. حطهـا بيـن المحانـي

,




عبدالله بن ذويبان



اختكم


,