السلام عليكم ورحمة الله
مساكم/صبحكم الله بالخير
اولا اعتذر عن الانقطاع المفاجا
وهذي قصيده حبيت اشارككم فيها عساها تنال على رضاكم واعجابكم
يقوول::
يامن يدور للسعاده والافراح...
منته بلاقيها سوى في صلاتك
وان كان مانك في هوى البال مرتاح...
ابسط يدينك قبل لحظة وفاتك
هذي ظروف الوقت ياصاح ياصاح...
افطن لها واثبت بعزة سماتك
لاترتجي مدات اليدين الشحاح...
ولاتنتظر منة خبيث بحياتك
لاتحسب الدنيا تجيلك وترتاح...
اعرف تراها تنقلب يوم جاتك
واعرف ترى هم الزمن لامن اجتاح...
في وسط جوفك ينقلب حال ذاتك
واكسب خوي(ن)لك ترى الحيل لاطاح...
ماينفعك ياكود ركزة عصاتك
افطن ترى الدنيا تغرك بالامزاح...
لاتنجذب للزين تقصر خطاتك
اقنع بما جاب الزمن دام مرتاح..
وخل القناعه دايم(ن)من صفاتك
الوقت هذا لو ضحك.ضحك ذباح...
مر(ن)مود ومر يحرث رفاتك
وسلامتكم