هذه القصيدة قالها العم والوالد مجول بن ريضه العجمي في اخيه صالح فهيد العواد ...ويذكر بعض مناقبه ويذكر اخاه سعد فهيد العواد وآل عواد جميعهم في فقد غاليهم.
.يا كثر سمحاته.. ويا قل عجفاه
الشاعر القدير مجول بن ريضة العجمي.. يرثي بهذه القصيدة المرحوم بإذن الله صالح بن فهيد العواد العجمي.. حيث انه من الرجال الذين لهم سمعتهم وصيتهم الطيب وسط الرجال الذين يعرفونه رحمه الله.. والشاعر مجول بن ريضة شاعر يقدر ربعه وبني عمه ويحزن لحزنهم ويتأثر بفقد الغالي منهم.
وهذه القصيدة توضح موقف ابن ريضه وحزنه على رفيقه الغالي.
شعر: مجول بن ريضة العجمي
الله من علم فجعنا سمعناه=علم سمعنا زوّد الهم همّين
مرحوم ياللي تفعل الطيب يمناه=طيبه على الداني وللي بعيدين
يا الله عسى الجنة مقره وملفاه= عساه في خضر الجنان وبساتين
الواجبة من عادته ما تعداه=ويقسى مع القاسي وللين يلين
لو الآجل يشرى لصالح شريناه= لو كان يكلفنا كثير الملايين
من عادته دايم يرحب بمن جاه= ومن عادته ملفى الرجال الحشيمين
يا كثر سمحاته ويا قل عجفاه= للصاحب الأقصى وللي قريبين
القلب حن و ون من بعد فرقاه= وما لوم يا ربع بفقده حزينين
غصبي علينا اللي حصل ما رضيناه= لكن بحكم الله قبلنا وراضيين
لا شك حنا يا النشاما فقدناه= ونبي نتناسى بس ما حن بناسين
المشكله والله لا من ذكرناه= وهلت دموع الحزن من حاجر العين
وبعده سعد والربع يمشون ممشاه= ربع على كل المراجل حريصين
سعد مكانه جعلنا ما عدمناه= مع العيال الطيبين الوفيين
ربعه هل الطولات والطيب والجاه= اعمارهم يا جعلها تعمر سنين
جاه الذي له وقت وهو يتحداه = من توه وخلفه ومن يسار ويمين
الموت لا من حان ما يعرف أدواه=ودربه ترى واحد ومن دون دربين
من وقّف آجله لا حشى ما تعداه= لا يزيد به يوم ولا نقص يومين
يا الله يا المطلوب تدمح خطاياه= وعساه في الجنة بظل وحوارين
تاريخ النشر: الجمعة 25/7/2008