["][]ياالله يا المطلـوب يـا رافـع البـلا
ياللي بسط الاراض وارسـى جبالهـا
سريع الفرج يستاهـل الحمـد والثنـا
اللي خلق نفسي وجـاب الهـدا لهـا
تفرج لعيـن عافـت النـوم والكـرا
تعذبت مـن غيـر شـر جـرا لهـا
ولكـن تبـرق فـي علـوم تشوفهـا
في وقتها الماجود واللي مضـى لهـا
ابن الغليسـي هـاض طيـب مثايلـه
سوالـف تـجـارب ينعـنـا لـهـا
ما اقولهـا الا قـد عرفنـا رسومهـا
اجيـب صافيهـا واخلـي حثالـهـا
ما هيـب هرجـت شاعـر هلبجيـه
لا سمعها بعض العرب ما صغى لهـا
يا سالـم اوصيـك واحفـظ وصيتـي
وصيتن من صاحـب العـرف قالهـا
اوصيـك لا تتبـع طـروق النميمـه
تفضحك عنـد النـاس قولـة وقالهـا
اوصيك عن بنـت الـردي لا تظمهـا
خلهـا تولـي لا يـغـرك جمالـهـا
ياتي ولدهـا ناقـص فـي مراجلـه
تمضي عليه المرجله ما احتسى لهـا
ترى الـردي قـد جربـوه المجربـه
كما العوسجه ما احدن يجي في ظلالها
وترى الشلي قـد جربـوه المجربـه
كما الجمل بيـن الحمـول ارتكالهـا
وترى بنـي عمـك يمضيـك فعلهـم
وترى جياد الخيـل تحمـي هزالهـا
وانجـاك محتمـل فخلـك تسـاعـده
بقعـا تـرى محذافهـا فـي شمالهـا
ولا تامـن الدنيـا ويـلازان وجههـا
لابـد مـا تاتـيـك شـيـن قبالـهـا
ولا جاتـك ايـام الرخـا فاستتمـهـا
ترى ليالـي العسـر تصبـح بدالهـا
ليالـي تاتيـك غــدرن ومظلـمـه
وليالـي تاتيـك صـافـن هلالـهـا
ايلا شفت امور عادلات مـن السنـع
خلهـا تـذب الريـع مالـك ومالهـا
ايلا رحت لك من ديرة صوب ديـره
انص القـروم وخـل عنـك انذالهـا
اوصيك في امك يافتى الجود عزهـا
ترى الام يا مرجاي مـا ينجفـا لهـا
تسعة شهور تحت الانجـاف ضمتـك
وعامين زادك من شنـا شيـن حالهـا
ان شافتـك بالضـر يشتـد حزنـهـا
وان شافتـك بالخيـر ينسـاح بالهـا
ان جاك بـرد حطتـك وسـط ثوبهـا
وان جاك شمس حطتك فـي ظلالهـا
من شلـت الطيـب فلاهـي بنادمـه
ومـن شلـت المثبـور واعزتالـهـا
ترى الطيب للي طيـب عنـد والـده
ويـدرا بنـي عمـه ويـدرا خمالهـا
وختم الجواب اقول صلوا على النبـي