السلام عليكم
انقل لكم قصيده غزليه لشاعر الحكمه
الشاعر / عبدالله الطلحي الهذلي
وعساها تنال على استحسانكم
إيوالله حلوه بالحلـى مالـك وصيـف=شهـدٍ لـه العالـم تسيـل أرياقـهـا
مثل الخلاصه من عسل وادي المصيف=أعـرف طعمهـا لوفمـي ماذاقـهـا
يافاتنـه يهـواك طـرفٍ لـه رفيـف=والنفـس يدفعهـا لهيـب اشواقـهـا
من شوفتِك حسيـت باعصـارٍ عنيـف=هـز الضمايـر ليـن طـاح رواقهـا
كل العيـون تهيـم بـك ياكـل طيـف=كـل العيـون وصورتـك باحداقـهـا
كلٍ تخيّـل صورتـك حتـى الكفيـف=يعـرف ملامـح طلعتِـك وإشراقهـا
وكل القلوب تحب وإبـن آدم ضعيـف=ياظالمـه كــلٍ يـخـاف فراقـهـا
الحب مايعـرف وضيـع ولاشريـف=وتخوض فيه النـاس حسـب اذواقهـا
اللي عرض حبه على جال الرصيـف=سلعـه تبـاع وتشـتـرى باسواقـهـا
واللي ربى قلبه على الحـب العفيـف=امواج عكـس امـواج مـن عشاقهـا
وحنا تعودنـا علـى الحـب النظيـف=قطرالمـزون إليـا لـمـع براقـهـا
وقلوبنـا تبتـلّ بالـشـيّ الخفـيـف=واحيـان يوصلهـا الظمـا لإحراقهـا
لين الزمان ابعد وليـفٍ عـن وليـف=أرواح بيـن ظروفـهـا واخلاقـهـا
تاهت خطاها في زمن قاسـي مخيـف=وتعيـش ذكـرى عطرهـا وعناقـهـا
(صارت كما الأشجار في فصل الخريف=مهمـا سقيناهـا تطـيـح اوراقـهـا)