[راكان اليامي]

بديت ذكـر الله قبـل قـول الابيـات=الله باسـط سبـع وسبـع اعتـلاهـا

عسى يسهلـي بيـوت(ن) جزيـلات=تلقـى مـن القمـات عالـي مداهـا

في اللي له بحـور المدايـح قليـلات=يستاهـل العلـيـا وفـعـلا وفـاهـا

كريم ما مـن يـوم قـد قـيلله هـات=وشح بيده واقفى وهـو مـا عطاهـا

الا وربـي انـه جزيـل العطـيـات=يعطـي وامـور الفانيـه مابغـاهـا

فيه الخصال اللي بلـت كـل شمـات=والحاسـد اعيونـه بفعلـه عمـاهـا

وافي وفي الشـده يشـل الصعيبـات=قطـع حبـال الشـر مـن مبتـداهـا

نسل الجدود اهـل الفعـول القديمـات=اهل الكـرم والجـود منهـم خذاهـا

عند الرجال اللـي لحاهـم كريمـات=تلقى فعوله مـا حـد(ن) قـد نساهـا

وان جات للطاعه ..الامور الصحيحات=فهـو علـى دنيـاه ينقـض رضاهـا

قضى ليال (ن) في السهر والعبـادات=حامي عهـود الله مـا قـد عصاهـا

هذا ابوعبـدالله وانـا مـن الفديـات=افـداه مـن جـور السنيـن وعناهـا

ويفداه شين الطبـع واهـل الفسـالات=ويفداه شيـخ(ن) ديرتـه مـا حماهـا

وجعل البنادق في نحـر كـل شمـات=وياجعل خـلان الـردى فـي لقاهـا

ويا بحـور المـدح مانتـي بوفيـات=قليـل فيـه المـدح الأرض بسماهـا

وصلوا عدد مافي الاراضـي نباتـ=اتعلـى محمـد خيـر منهـو وطاهـا

وسلامتكم

فقير الحظ