بسم الله الرحــــــــــــــــــــمن الرحيم
اعضاء المنتدى
السلام عليكم ورحمة الله وبركاته
انا ...
شاعر ظفيري والظفيري باسط الكفين يمد الكف مايقصر عطاه فلان وفلاني
حبيت ان اهديكم قصيده كتبتها في الاخ /محمد بن جويعد العجمي
سلام ياطير حر ٍ بالسما حامي
يحوم فوق الاراضي قبل يذهبـــها
اللي ليامن نخيته صار قدامي
طبع النشاما عشاها من مخالبــها
يقول انا قدها ماقصر اليامي
تهب ريحه ليا هبت هبايبها
ابو جويعد محمد مروي الضامي
ذباح حيل ٍ محلحلتن جنايبهــــا
عجمي ٍ الله غرس به دين الاسلامي
وأفعال يمناه من والده جايبـــها
وبفعل يمناه أخذله مقعد ٍ سامي
والمرجله ماتعذر في سبايبــها
عزم ولزم وجزم واصطلى الحامي
إلين فك النشايب من نشايبها
من مفرق عريعره علمه ليا الشامي
وبجوده اللي حضر سولف لغايبها
وتاريخها يذكره عام ٍ بعد عامي
وتذكره الاحباب لاجتها حبايبها
لاجل كذا جيتله عاني بالاقدامي
لي فيه حاجه ولاظني يجنبـــــــــــها
انخاه نخوة كسير ٍ طاح ماقامي
والناس حوله كثيراتن طلايبـــــــها
وهو قدها فعــل..ماهو بحبر الاقلامي
يشعل فتيل الحرايب في حرايبها
يالله ياخالق ٍ عبدك بالارحامي
دنياك يارب جنبنا مصايبـــــــها
وطول بعمر الكريم ونسل الاكرامي
وكتايب الشر تدحر في كتايبها
وسلامتكم ..........اخوكم/الشاعر سلطان الظفيري