ارجوووو ان القصيده تنااال على اعجاااابكم
لايمي لاقلت : احب ( بقيق ) واللّي حولـه=( اقطع الله نصيب أبوه ) وجعل ماله والـي
جزء من دوله ، لكنّه فـي عيونـي دولـه=اعشقـه واقـدّره قـدر الرّفيـق الغـالـي
وكل ذكرى فـي ملفّـات الغـلا محمولـه=في ربوع ( بقيق ) جعل ( بقيق ) ماله والي
ياوجـودي لاذكـرت اللّيلـة المأهـولـه=يوم جيت أحث رجلي ، والسّعـد يبرالـي
وانطحتني مثـل ليـل السّامـري وطبولـه=جيدهـا برقـه يلـوح ، وعودهـا ميّالـي
افتقـدت الذّاكـره يـوم انتثـر مجـدولـه=ولا انتبهت ايلين طاحت غترتـي وعقالـي
وانتهى الشّوط الإضافي ما كسبت الجولـه=الله انّـه يغفـر ذنوبـي ويرحـم حـالـي
ذقت شيٍّء من رحيـق الشّفّـه المعسولـه=ليتني ماذقت منها شـيء ، كـان اشوالـي
واستحيت من الأمور اللّـي مهـي معقولـه=الأمـور اللّـي لا تتسـوَّى ، ولاتنقالـي
واصبحـت قصّـة غـرامٍ مالهـا حيلولـه=مابقى الاّ اسم ( العنود ) ونمـرة الجوَّالـي
..... الــــشـــاعـــــر ......
سـلـطــان بـــــن وســـــام