[حسن علي الهاجري]

السلام عليكم

اعزائي .. تحية عطرة

قصيده متواضعه تجديده للعهد واتمنى ان تشفع لي غيابي ..

:::::::::::::::::::::::::::

ابــدى بــذكــر الولي وابليس ما لــه مـحل= ومــن بـعــد ذكره تعـالى يا هجوسي دعك

امــن الـمـدايح وخلـّك مــن قــصـيد الغزل = هات النصايح وهات الجــزل مــن مصنعك

خابرك لا من حضرت يغـيب عــنـك الهزل = وفــرايــد الــشعــر والأبــداع مـن مـنبعك

والنصح ينفعك وقت العرض وافضل عمل = أنــّك تبــيـّن خــطــا الــمـخـطي ولا يدفعك

الاّ ابتغاء الأجر والنصح يــُشــرى بــجمل =فـي مــا مضى والبشر ذالوقت ما تــقـنعك

كلّ ٍ يريد السلامه لــو حـصل مــا حـصل = ولو صحت بالصوت تبطي ما حد ٍ يسمعك

لكــن تــبــرّي به الذمّـــه لــيـا جــا الأجل= ولا يهــمـّـك بــشــر لا صــار ربــّي مـعــك

وبقتنصها مــا دام الــوقــت يـمشي عجل=والـوقــت كالـسّـيــف لـو مـا تقطعه يقطعك

نــصـيـحـتي للضعــيـف اللي لــديـنه همل =اطلب من الله عــن دروب الــفــتــن يمنعك

ونــصـيـحـتي للــظـلـوم اللـّي جفاه العدل = اللــّي صــفــعــتــه تـسامح مـنه لا يصفعك

ونــصـيحـتي للـكـذوب اللـّي يحسبه هزل= تـرى لـسانــك حــصـانـك واحـذره يخدعك

ونـصـيـحـتي للذليل اللـّي ما عمره صمل = تــرى الــشجاعه لـيـا ثـــار العــدو تــنفعك

ونـصـيـحـتي للبخيل اللـيّ ذبــحــه البخل= انــفــق قــبــل لا يـجي يوم وتعض اصبعك

ونــصـيحتي للطـموح اللي طمح ثم فشل =لا تـتـبع الــيــاس ودروب الــرجـا تــاسعك

ونــصـيـحـتي للكـسول اللي قـنع بالكسل =الـعــلــم فالــمجـتــمــع يــا الآدمــي يرفعك

وختم النصيحه له المنــّه وكـــل الـفضـل = الله ولا غـــيــره اللــّي رحــمـتــه مطمعك

قـدّمـت مـا جال فـي فكري وعندي أمـــل = أنــّه يــحـوز الــقــبـول إليا وصل مسمعك

واللـّي يــدوّر تــــرى لا بـــد يـلــقـى زلل = ولا يـهـمـّـك بـشــر لا صــار ربــّي مـعــك

::::::::::::::::::::::::::::::::::::

اخوكم .. حسن بن علي الهاجري