[محمد العزام]

السلام عليكم و رحمة الله و بركاته

مسآ الخير .. بكل حب و ودٌ


من بعد غيبه اتمنى ان تشفع لي هالمتواضعه ..



و بسم الله هاذي الشلُه

لا تقول لي بعدك حرآم انت الذي قربك حرآم=ماني مغيٌر كلمتي و ان بان دمعك ثم جرآ
و إن قلت لي : بأن الندم ينهش محاديب العظام=و ان قلت لي : حالي من الاشواق يا محمد برآ
يا الاسف.. حبك سرا ما عاد لك عندي مقآم=وش له تنزٌل دمعتك ! و اقول لك : حبك سرآ
كنت الذرا.. لك من هموم الوقت يا زاهي اللثام=ثم خنتني يا صاحبي و بيديك قطٌعت الذرآ !
كانت (غلاتك) في عيوني غير عن كل الانام=من شاف عيني... في (غلاتك) و بمكانتها درا
ذا جرح غدرك ذي جروحي له تعظُم بالسلام=حييُت يا جرح(ن) بيبطي في ضلوعي ما برآ
تخون من يفديك في عمره ولا همُه ملام ! = يا لعنبو دارك شرا قربك و ليته ما شرا
لا تقول لي بسم الغلا ..بسم الهوى.. بسم الغرام= و انك تبي اسامحك على الذي منك جرآ
ماني بعجمي عزوته إليا اعتزى صبيان يــــام= إن كان بك لدٌيت عيني و رجعت رجلي ورا
هي كلمة(ن) من قبل لا اقفٌي و هي مسك الختام=(أصل الوفي سابع سمآ.. و أصلك تحت سابع ثرآ)

و اسمحولنا على القصور


اخيكم : محمد العزآم

__________________

[ لا تعليق ..! ]