أمي غلا عمرٍ مضى مـع تواليـه=نور العيون وبهجة العمـر عيـده
يمّه هـلا بـك والغـلا مايكفيـه=لو يرخي الشاعر للأبيـات قيـده
يمّه غلاك يفوق ما كنـت ابحكيـه=وانا افتخر به ليـت ربـي يزيـده
غلاك نبض الروح والروح تغليـه=غلاك دمـي والمشاعـر وريـده
لو أقدر آخذ عمري ولعمرك أهديه=أهديت لك عمري بنفـسٍ سعيـده
الله يديمـك عـز ويعزنـي فيـه=هذا كلامـي واقبلـي هالقصيـده
رووووعه من أولها لأخرهااا
قصيده معبره بقوه
الله يعطيك العافيه عليهااا
وصح لسانك يالشمري
ومرحبا بك ...
تقبل تحياتي