السلام عليكم ورحمة الله وبركاته
مساء الخير والأحساس والطيبه
قلـي بربـك يابعد..عمر..مغليـك
وشلون خنت اللي محـرم يخونـك
وشلون هانت رجوتي يوم انا ارجيك
وشلون هانت دمعتي فـي عيونـك
وشلون بعت اللي بهالناس شاريـك
قلي علامـك بعـت نـاسٍ يبونـك
قلي بربك دامنـي بصـدق هاويـك
وشلون بحيا باقـي العمـر دونـك
قلي بربك حالـي اليـوم يرضيـك
طايح جريحٍ مـن سبايـب طعونـك
طايـح جريـحٍ انتخيبـك واناديـك
ودي تقول ابشر..حبيبي..ياعونـك
واثرك تقول ابعد انا اليـوم مابيـك
وتروح تتركنـي بلحظـة جنونـك
وقف قبل لاتـروح ربـي يخليـك
دامك رفضت احيا..حياتي بكونـك
ارجوك قبري تحفره اليـوم بيديـك
يحرّم علي العيـش يازيـن دونـك