جاك المسير مالقى منـك ترحيـب=لاجبتلـه قهـوه ولامـن قدوعـي
ياليتني دورت غيـرك معازيـب=جيتك جويع ورحت منّك بجوعـي
الظاهر انك ماتعـرف المواجيـب=لاشك طبعك يختلف عن طبوعـي
حنّا لاجانا الضيف ننفض له الجيب=ونجيبله من كـل شكـلٍ ونوعـي
عاداتنا والرزق من عالـم الغيـب=هذا وانا ابخل واحدٍ مـن ربوعـي
فجاء سعد بالقدوع والقهوه وقال غاضبا
ثنائى جميل
:
اقدع عسى يقدع على راسك الذيب=في خايعٍ مابه من الناس دوعـي
متعطـلٍ بالبـر قبلـي تناقيـب=من ليلة الجمعه ليـوم الربوعـي
ومروك ناسٍ غايب عنهم الطيب=وخلوك وحدك في مكانٍ يروعـي
ثم جاك ذيبٍ ماسنونـه بتركيـب=ذيبٍ ولد ذيبٍ وشـرس قطوعـي
سوّى بك سواةٍ على غير ترتيـب=يجزع لها قلب الشجاع البتوعـي
مرحوم ياعودٍ كسا راسه الشيـب=هنديته تـذرف عليـه الدموعـي