السلام عليكم ورحمه الله وبركاته
لــ/ تواصل
لــ/بدر العتيبي
صلوا على النبي
.
.
.
.
.
.
.
.
محتاج لك بأدفّي يدينـي مـن ملامـس يديـك=هالثانيه بالضبـط مـا أظـن الشعـور يفوتهـا
عندي قصيده ودّها من خالص إحساسي تجيـك=حتى معانيهـا تبـي تاصلـك .. قبـل بيوتهـا
قصيـدةٍ يرجـع سبـب تركيبهـا منّـك وإليـك=وانت تعرفهـا مـن ملامحهـا وبحّـة صوتهـا
ياللي بديتك شوق كيف أشـواق قلبـي تنتهيـك=وأحـلام عمـري لا فقدتـك ترجـع لتابوتهـا
إي والله أحبّك ولا زلت أعشق وصالـك وأبيـك=وفي خاطري لك هيبة ملوك العـرب ببشوتهـا
لا جيت أبشكي لك رجعت وقلت وشلون أشتكيك !=وأسكت لو إن جروح قلبي ما تطيـق سكوتهـا
كم لي وأنا أنادي عليك آمال عمـري وأحتريـك=وكم لك تجيب أعذار من زرق البحـور وحوتهـا
مع كل هذا .. والله إنـي مشتريـك وبأشتريـك=وأحسد عليك أهل الريـاض وجوّهـا وبيوتهـا
لا تكثر ظنوني عليّ .. وتكثـر ظنونـك عليـك=نفسي فراقك ضيـم حالتهـا .. وقربـك قوتهـا
أموت لك \ أموت منك \ أموت معك \ أموت فيك=ضع خط .. تحت الموته اللي تعجبـك وأموتهـا