[أبن جفـــن]

أخي العزيز الشريف :
موضوع حساس وجميل في نفس الوقت الذي طرحته وهو من هو حاليا او حتى سابقا شاعر العجمان او الي متسيد في الشعر على قولتك .
الشعر من الصعب انك تحكمه في اطار معين او حتى الشاعر نفسه فيه شاعر مدح وفيه شاعر هجاء وفيه شاعر حرب يعني حماس وفيه شاعر احساس يعني غزل والسؤال المتلقى يكون خانته وين بالضبط يمكن يطرب لشي ولا يطرب لغيره ويصبح هذا الشخص هو المقياس عنده يعني عند هذا المتلقى وبالنسبه لسؤال صديقك العتيبي وأنت قلت انه شاعر يعني الاجدر به انه يعرف قبل لايكون هنالك سؤال لانه يعلم بالشعر والشعراء وهو مجاله .
وشعراء العجمان الشباب كثير اليوم والحمد لله ولكن الشعر الي ملاحظينه يعني حاليا على الساحه شي خطير يعني تجد مفردات اكبر من الشاعر او احساس مزيف وكأن الشاعر يلبس ثوب مهوب له او يحاول يبرز نفسه اما بطريقة غيره او باختراع طريقه جديده له حتى لو كان فيها تاثير عليه او على الشعر الي يقوله
ومثل ماقال راكان ابن حثلين ماقل دل وزبدة الهرج نيشان يعني الشعر لازم يخدم هدف معين واحساس معين مهوب مجرد تصفيف كلام او اقتباس من غيره وصدقني شعراء العجمان كثير بالنسبه لغيرهم . والي على ساحة الشعر قليل مقارنه بالي ماينشرون او حتى ينشرون باسم مستعار حتى يكون على الجانب الامين مثل مايقولون .
واذا سالك العتيبي وقال من اشعر العجمان حاليا قول له من اشعر عتيبه حاليا واذا عدهم لك قل مصيبه من كثر ربعي الشعار ومن جزالتهم ماقدرت اعدهم ولا أفاظل بينهم وانت عتيبه على كثرها عديتهم لي
وسلمت يالشيخ .

يمكن اكون حرف وأنثر مدمعه = = = = = = ويمكن تكون القصيده جفت سواقيها