يا وقت قل للي نسى الهم قله
واصبح بعد حزنه حياته سعيده
قله ترى الايام لو هن صفن له
دوراتهن للـــي ومنـهن شديده
وقله تراني بالوفا مخلصن له
واطلب من الله بالسعاده يزيده
وقله حبست الدمع ماعاد اهله
إلا لرجوى اللي ينجي عبيده
وقله هجرت الحرف والشعر كله
مادامها ارخصت حروف القصيده
بغيت احل اللغز واخطيت حله
جف القلم والفكر غلق رصيده
مدري دروب الصدق صارت ممله
ولا ضروف الوقت صارت عنيده
قله ترى قدره بقلبي محله
هوسيده هوقايده هوعميده
ياااوقت هذا دق علمي وجله
احرص ووده لين ياصل بريده