[العز بالسيف]

بسم الله الرحمن الرحيم

:
:
:
:
:
:
:
:
:
:
:
:
:
:
:
:

السلام عليكم ورحمة الله وبركاته

قام صاحب السمو الملكي الأمير مشعل بن سعود بن عبدالعزيز آل سعود
أمير منطقة نجران (سابقا)
بزيارة لقبيلة آل العرجاء في محافطة يدمة في منطقة نجران يوم الثلاثاء الموافق
11/6/1428هـ
وقد كان للشعر النبطي حضوراً مميزاً ورائعاً مع أخينا الشاعر الجزل /
سالم بن رفعان آل صلاح العرجاني
والذي عودنا على سمان الهرج.

على نـهج النـبـي خـيـر الأنــام ومـلـة الإســلام=وبإسـم رب الخلايـق خالق الأنفس وموجدها
إلــه الـكـون عـــلام الخـفـايـا مـجــري الأنـســام=جزيل المد وأنعامـه علينا مانعددها
ما نحصي فضلـه اللـي عـم فـي كـل الديـار ودام=لكن مـن فضل ربي نشكر النعمة ونحمدها
نصلي له صلاة المسلم اللي مـاعبد الأصنـام=يـقر بنعـمـة الـفرد الصـمد مـاهوب يجحدهـا
عليه الإتكــال وفـــي رجـــاه أسـيــر الأقـــدام=أبـيــن وجـهــة الـرحـلـة وممـشـاهـا واحــددهــا
أدرجـهـا عـلـى وضــح النـقـاء ودروبـهــا قـــدام=علـى مسـرى اللـيـال وقطـعـة الفـرجـة معـودهـا
بـعـزم وحــزم وأفـكـار وجـهـود ثـابـتـة وإلـمــام=أخطـط وأرسـم أهـداف القصيـدة قبـل لأقصـدهـا
علـى متـن الهجـوس اللـي ليـا مـن كـل حـي نـام=علـى هجعـت مريحيـن الـعـرب كـنـي مواعـدهـا
على شوفـت هواجيسـي محيـم وهـن علـي حيـام=تـوردنـي عـلــى عـــد الـــروى قـــدام أوردهـــا
لـهـا حــق علـيـه والحـقـوق تصـونـهـا الأكـــرام=ولــي حــق عليـهـا إنـهــا تعـاهـدنـي وأعـاهـدهـا
أنومـس لابتـي وزحـول ربـعـي بالقصـيـد شـمـام=أبـيــن ذكـــر فـعــل جـدودهــا الـلــي يـمـجـدهـا
بمثل ذا الوقفـة اللـي ترفـع الهامـة وتبقـى أعـوام=عـلـى مــر الليـالـي طـيـب حـاضـرهـا يخـلـدهـا
هـــلا يامـرحـبـا ترحـيـبـة بـأسـمـاء قـبـايـل يـــام=تـراحـيـب بـمـقــدم راعــــي الـطـالــة نــرددهــا
وأنا بإسم آل العرجاء قمت أرحب بك وحظي قام=أرحــب بـإسـم يــام وحــن بـديـده مـــن بـدايـدهـا
ألا يــا سـيـدي شوفـتـك عـيـد مــن عـيـاد الـعــام=فـرحـنـا وأستـهـلـت دارنـــا والـخـيــر عـايـدهــا
تباشـر فـي مجيـك والفـرح والـعـز طـيـره حــام=يـغــرد بـلـحـون ويـرفــع الأصـــوات يـنـشـدهـا
لو نعبـر عـن اللـي فـي الخواطـر جفـت الأقـلام=مــودة والـمــودة مـشـعـل بـــن سـعــود سـيـدهـا
بنينـا بالـمـودة لــه قـصـور مــن حـجـر ورخــام=عـلـى الـسـاس الجـويـد وقــوة الـمـبـدأ نشـيـدهـا
راعي الأيادي البيضاء علـى نجـران فضلـه عـام=تــراه لــولاه بـعـد الله مــا أحــد ثـبـت قـواعـدهـا
جمعهـا ليـن خلـى أشـرس قبايلـهـا تـقـول أتــوام=غــزاهــا بالـسـيـاسـة لــيــن ولـفـهــا ووحــدهــا
عقـب طـول التناحـر والحسـد والظلـم والإجـرام=غـدوا مثـل الإخـوان اللـي تحـت تدبـيـر والـدهـا
بعـث سيـرة معـزي مـن جـديـد وحـطـم الأرقــام=بـحـبــه للـقـبـايـل ســيــرة الـمـرحــوم جــددهــا
وبلدنا نحمـد الله فـي رخـاء وأمـن وسعـة وأنعـام=نعيـش بنعمـة بـعـض الــدول مــا هـيـب تاجـدهـا
تحـت حكـم الزعيـم بـن الزعيـم الحـاكـم المـقـدام=أبـو متـعـب لـيـا عـضـت أشفـاهـا فــوق ناجـدهـا
أبــو متـعـب كـعـام المعتـديـن وفـالـج الأخـصــام=إلــى مـنــه حـضــر يـبـطـل مزكـيـهـا شـاهـدهـا
كسر شوكة معادين الوطن في الشـرق ولا الشـام=كحل عيـن الحسـود الـلـي يـبـي ذلــه بمـرودهـا
إيلـيـن الخـيـر زاد بـنـا إتسـاعـه والتـطـور قـــام=تعـيـش النهـضـة الـلـي دولــة الإســلام تشهـدهـا
بـــلاد المسلـمـيـن المـتـقـيـن وديــــرة الــسـلام=تسـمـع للـمـواذن كـــل سـاعــة مـــن مسـاجـدهـا
عسـى ربــي يـعـز لـنـا الـبـلاد ويحـفـظ الحـكـام=ويـزيــد بخـيـرهـا وأمـانـهــا ويــــذل حـاسـدهــا
ولاة أمـورنـا أبـطـال الـمـوقـف مـارثــة الإمـــام=سندنا في الرخـاء وإن جـاء القسـى حنـا سنايدهـا
علـى طـول الزمـن حنـا لهـا درع وسنـد وحـزام=حكومـتـنـا إلـيــا جـــات الـمـواقـف مـــا ننـقـدهـا
جنـود رهـن إشــارة والــي الـدولـة ولــه خــدام=نـسـوق أرواحـنـا فــي دبـــرة الـوالــي نجـنـدهـا
كــلام برهـنـه فـعـل الـجـدود ووقـفــة الأعـمــام=صحيـح أهـل العوايـد مــا تخـلـى عــن عوايـدهـا
وقـفـنـا وقـفــة يـــوم الـوديـعـة تـبـهـج المـنـظـام=فـعـول تـجـرح كـبـود الـعـدى والـلـي يسـاعـدهـا
ورجعنـا نحمـل النصـر المبيـن ونـرفـع الأعــلام=تكـلـم بــه مـجــلات الصـحـافـة مـــع جـرايـدهـا
وقبـل ذلـك مــع عبدالعـزيـز نضـيـم مــا ننـضـام=مــعــه ولا نــحــط سـروجـهــا ولا جـواعــدهــا
عـلـى قــبٍ شكايمـهـا تـلافــح والـذلــول خـطــام=ركايـبـنـا عـلــى سـاقــة مــعــزي مــــا نـقـيـدهـا
مسـاريـح صــلاة الصـبـح ولا زرفـلـت مـجـهـام=معـه فـي كـل غـزوة والـعـدى خـربـت عقايـدهـا
ولانــا وإنتمـانـا للحـكـومـة مـــا عـلـيـه خـصــام=لـهـم فـــي كـــل يـــوم نـجــدد البـيـعـة ونـكـدهـا
وعسـى ربـي يعـز إلنـا الـبـلاد ويحـفـظ الحـكـام=ويـزيــد بخـيـرهـا وأمـانـهــا ويــــذل حـاسـدهــا

وســـلامتكم