السلام عليكم
بدون مقدمات 
هاجوس راسي لا سرابي حدني صوب الحدا =وانا على صهوه جواد همومي الكد وأحدي
عزالله ان الليل لامن طال بي مالي جدا = الا ابدع لحوني واطاول بنت فكري للجدي
الين احس ان نبض قلبي من عقب ما أسرع هدا = وأحس بأن العين طاب إلها الرقاد بمرقدي
يامرحبا مليون والترحيب بك ماله مدا = يليق بك ياسيد القلب الفقير وسيدي
دام انت ضيف القلب لك ياما عشا ولاغدا = بختار من مسمن عروق القلب واذبح لك فدي
الحب لامنه إنتهى بفراق من عقب ابتدا = مايخلف الا الدمع والحسرات والجرح الندي
ماكنه الا الطيب فأهل الطيب لاعوَد ردا = وانته لاتبدل بالوصال فراق وتعوَد ردي