السلام عليكم ورحمة الله وبركاته ،،
متواضعه وأرجوا أن تنال ولو بالقليل من إستحسان ذائقتكم الشعريّه ،،
صــــــلـــّـوا عـلـى الـنـّبـي ،،
يالله ياللي تنشي حقوق الخيال=ياللي تخضع النفس خوف تذلها
عطني صبر أيّوب أو صبر الجمال=وأنت الذي مدّتك محدٍ ملها
آرد على الجمّه ولا ذقت الزلال=وإعروق قلبي بالهماج أبلها
ماعاد أميّز بالدقاق امن الجلال=وأطوي إحبال الضيق ثم أفلها
وأرجع على البيت المطرّف فـ الظلال= ثم أنعزل والكبد باقي غلها
لو إن صدق الناس مبطي لايزال=ماشفت خلق الله تزاحم كلها
كل(ن) يبي الصرّه ولا يبغي جدال=يعني تغانمها ولا تفطن لها
مايدري إنها لقمةٍ ماهي حلال=لقمة يتيمٍ من يدينه تلها
لو كان ماله من طويلات الحبال=ولو يارد البير الغزيره علها
يسرج إحصانه كل ماشاف الهلال=يبي الغنيمه غير ماياصلها
ضيّع دروبه لين خلوه الرّجال=والمرجله ماكلّ رجل يدلها
وأهل القلوب اللي بها حمل الجبال=ماهزّها منهو يبي يحتلها
تبقى على عزّه وقدرٍ مايطال=وإن طاحت إيجيها الذي يشتلها
هذي هجوسي يوم صافاها الخيال=تسترسل الفكره علي وأزلها