ودعتك الله يامودعني مـع خضـر الطعـون
وفأمانة اللي يبعد أحـزان القلـوب الصابـره
مانيب أول عاشق قلبـه مـن البعـد مغبـون
أنا أدري ان ضحك الوصل دمع المفارق دابـره
لو أن بعدك مايطاق ودمـع عينـي مايهـون
عز الله اني مانجيـت وصـار شـي خابـره
والله يالوك شفت وش هلت من الدمع العيـون
ماكان تكسر قلب في صـدك وقربـك جابـره
خليتنـي للهم والتفكيـروازعـاج الظـنـون
واصغارها اليـا انعزلـت مـن ألأوادم كابـره
ليت الظعون شتات من قبل نتخالف في الظعون
ولا أسكاتي فوق جـرح مااستطعـت أكابـره
أنشهد اني ماهقيت العشـق يوصـل للجنـون
لاجيت أخابر رقم غيـره دون وعـي أخابـره
يسقا علي يومك تمون ويوم غيـرك مايمـون
ومافيه غير الشوق يسبـر غرتـك وتسابـره
عاد الأماني من وراك ولوعـة العشـاق دون
والفجر مانـدري بقربـه كـود مـن منابـره
كن البشر في كون تسكن وانت في دنياك كون
متسيد قلبـي ولابـه عـرق منتـب شابـره
ياممتلكني يارقيـق العـود يالغـض الحنـون
حبـك يهايقبـي علـى موتـه وذي مقابـره
ليه العذاب يصير للعشاق في البعـد مخـزون
ليه الليالـي كـل مانفـرح ونعشـق عابـره
ليه الحـزن يبقـا وماقبلـه ولا كنـه يكـون
ليه السؤال وليه دامـه صـار شـي خابـره
لاكن من حقي ليـا قفيـت منـي ولا تهـون
مع كل مطلع عيـد عايدنـي ولـو بمخابـره
منقول
.