بسم الله الرحمن الرحيم
قم يا نديبي يم دار المطاليق=دارٍ تعز ضيوفها و تحشمها
هذي الكويت ولا ورى الصدق تلفيق= يكفخ على روس النوايف علمها
وثق مع حد النويصيب توثيق=وتنحر بيوت يصوت كرمها
واختص قصر ٍ للصييفي كما طويق =بابه مشروع والنشاما ماعزمها
وسلم وقله ما نبور المواثيق=والنادر اللي فرصته يغتنمها
وانته عديم وماكرك بالشواهيق=لك هدت كل الحرار تعلمها
ولك ماقف ٍ تشهد عليه المرازيق =تبني المراجل يوم غيرك هدمها
وإلا الردى يقصر من الريعويويق =ناس تساوا وجودها مع عدمها
وان يبست الأرياق مابله الريق=لو يرتفع في سوق الأسهم سهمها
وياالي تقول ان المراجل توافيق=تبغي ابلج ٍ روس الصعايب وسمها
شروا الصييفي لابدت حزت الضيق=المعضلات برأس متنه دحمها
يسوقني طيبه على أغلى الطواريق=كل المراجل طير شلوىختمها
جيتك وأنا من ضيم الأيام ما أفيق=ورجواي باللي ارزاق خلقه قسمها
كن الدهر ماخذ علي صك تحقيق =وروحي عليها من الحزن مادهمها
ماودي اشرح قصتي للمطافيق=اللي يروجها وهو ما فهمها
جيتك يابو منصور في حزت الضيق =هذي اعلوم الصالحي واستلمها
تكفى ترا تكفى تهز المطاليق =نفسي عزيزه والدهر من ظلمها
تستاهل الفنجال يالقرم لا سيق =وتستاهل بيوت جنابي نظمها
الشاعر/نفل بن فهد العجمي