يـسـعـد مـسـاكــم 
مافيه احلى من التواصل
وان شاالله تعجبكم
المحبه بيت شيـخ والسوالـف ضـوّه =للقلوب الـي تسيّـر دافـي صاليهـا
دلتـنِ ماهـا غديـرِ للغـرام تنـوّه =مد فنجالي وصالِ ساكبـه مـن فيهـا
قال جيتي من غيابك قلت قـوّه قـوّه =مرحبا بالشرهه اللي ساكـتِ راعيهـا
قال شوقي لا عرض لك ماتجيك مروّه =قلت جيتك والمشاعـر جيـت بغنيهـا
كن له ويالضمايـر والعـروق عنـوّه =كل ما أغضيت عنـه تفـزع لعانيهـا
تبتسم له روح روحي لا أرتزم لي نوّه =يفتح لروحي حدايـق لهفتـه وتجيهـا
تدّرج كنها عسيفِ بالهـوى مزهـوّه =تدري انه من غلاهـا عينـه تباريهـا
في عيوني له سنابل بالذهب مكسـوّه =وفي عيونه لي فياضِ يانـعِ مافيهـا
وان سرج خيل السوالف فالخطيب مفوّه =وان ترجل عن جواده قلت وش تاليهـا
ساكن في عمق جفني واسفله وعلـوّه =مابقى منه مسافـه للنظـر معفيهـا
زاينه معه الليالي واصبحـت محلـوّه =علني ماذوق بُعْد اللـي لـي محليهـا
وســلامــتـكـم