السلام عليكم ورحمة الله وبركاته
صبحكم بالخير جميعا ً
اليوم /
الثلاثاء
التاريخ /
19 - مايو - 2009
الوقت /
الساعه 4 الفجر
المكان /
شاطئ المسيله
نوع الكاميرا /
FUJIFILM
الصور اشوي مهيب واضحه كنت ابي انطر الشروق
بس مع ظهور بعض الفلاشات وحنا على الشاظئ ماخذينا الا ثلاثه جايين صوبنا يمشون
ويوم اقربوا ولا الحرس الأميري وسلموا علينا وقالوا ممنوع التصوير هني وسألتهم ليش
قالوا هذا اللي على اليمين قصر وزير الخارجيه واللي على اليسار قصر شيخ
قلت والله ما عندنا علم وابشر طال عمرك
قال يالله حركوا قبل لا اصادر الجيب واخلي الكاميرا ذكره لكم
ويوم طلعنا على الشارع الا يوكن عليه فلشرات وعليه واحد مدني ومصكر الشارع علينا وعلى الطبلون رشاش
وسلم علينا وقال وش عندكم هني ، طبعا ً انا اقرب واحد له دريشته من صوب دريشتي قلت له اعجبنا القمر وحبينا نصوره
قال ما تدرون ان هذا قصر شيخ قلت لا والله ما عندنا خبر
قال حياكم الله ولا عاد تعودونا
وأخليكم مع الصور معنها مهيب الصور اللي كانت في خاطري
