ودِّي أمُوتْ .. اليُوم ... وأعيش باكر =
وأشوفْ مِنْهو .. بعد مُوتـي فقدنـي ..!
ومِنْهو حَمَلْني لِين .. ذِيكْ .. " المقابر"=
وأشْكرْ أنا .. كِل مِـنْ كَرَمْنـي ودِفنِّـي
وبشُوفْ .. يرثيني أنا كَمْ ..شاعـر؟ =
ومِنْهو تركْني .. وما كِتَب شَـي عنِّـي
شِخصٍ تعنَّى لي .. مع إنه .. مسافر =
وشِخصٍ قِريبٍ .. وآنا مَيِّـت / طعنِّـي
وشِخصٍ يمثِّل دمعِتَه .. ما هو قادر ! =
وشِخصٍ تِطيح دموعه كِلْ مـا ذكرنـي
ومِنْهو مِنْ أهلي ف العَزا كان حاضر=
ومِنْهو دعى لي في " صلاته " ورحمني
ومِنْهـو بـنـى سبـيـل ومنـابـر =
ومِنْهو يفـز قلبـه .. إلا مِـنْ لمحنـي
ومِنْهو عشاني : طُول الأيام ساهر ..!=
ومِنْهو ثلاث أيَّام .. راح وتركنـي ..؟
ومِنْهو يرتِّب .. غرفتي .. / والدفاتر =
وإن شاف ( صوره ) لي صاح وحضنِّي
يالله عسى .. ما تغفى كل المشاعـر=
ويالله عسى .. ما ينصِـدِم يُـوم ظنِّـي
خايف يروح العُمْر .. وأكُونْ خاسـر =
وإن طار طيري .. ما يفيـد / التمنِّـي
وخايف يجيني وقت : أكْسِر خواطـر =
إن دارت الدنيـا .. وزمانـي كسرنـي
ومدام هذي الدنيا .. صارت مظاهـر =
وكِلْ مَنْ على كيفـه .. وجَـوَّه يغنـي
الضيق وافي .. والحزن حيل وافـر =
والجرح أكثـر شـي .. شفتـه يحبنـي
عايش وميِّت بين .. ماضي وحاضر =
والـصـبـر ضـــاع مــنِّــي
قل وش تبي وتتركني يا حزني آمـر =
مسكين فرحي / تصدِّق إنَّ وحشنـي !!
( شاعر ) ولكنِّي .. ماني ب شاعـر =
ودِّي أموت اليوم .... وأرتاح منِّـي !!