اقتباس:
المشاركة الأصلية كتبت بواسطة فهيد بن عصيدان
ياصـــباح الــخير ..
واسمحولنا على الغيبه 
جيت .. تحت الشمس أدوّر عن ظلالـي ياظلالـي=وأنت ظلّي عن لهيب الشمـس وألسنـة الحـراره
جيت .. في عز الشتاء , والبرد نسناسه شمالـي=واحدٍ ناره طفـتْ , وأنـت بيديـك إتشـبّ نـاره
جيت .. من دار الشقى , والهم , والغربال .. جالي=وأنت مزبن من تجلوى .! وإلتجابك مـن ديـاره
جيت لك .. قلبي ملاه الحزْن ومْن إسواك خالـي=مخليٍ قلبي لك , ولـك فـي صدارتْـه الصـداره
آه من سـود اللّيالـي لاامحلـت بيـض اللّيالـي=وإبتدا ليـل الحزيـن اللّـي رثـاه آخـر نهـاره
وسيقت الاقدام صوبك , لومشـت ممشـاً خيالـي=ماجذبهـا الا طبوعـك , والنقـاوه , والطهـاره
أسرح بطاريك .. وألقى بك جوابي عـن سؤالـي=وكلّ ماخِيّرت أبختـارك , لاصلّيـت إستخـاره .!
وأنت ماتدري وش أقصاي , وطموحي , وإحتمالي=ماسمعـت الا الذّكـر , والحـرّ تكفيـه الاشـاره
خذني اللّي بالنّسب .. من طيب عمّانـي خوالـي=عادها بالسيف الاملح , لين جاء عصر التجـاره
وخذني اللّي بالكرم حاتم .. بأحاسيسـي ومالـي=واحدٍ لاأعطـاك ماتـدري يمينـه عـن يسـاره
وخذنـي العاشـق .. بقلـبٍ لايطيـع ولايمالـي=كلّ ماهبّت هبوب الشـوق , فلّيـت الستـاره .!
بـسّ انـا يابُعـد درب أقدامـي وياطـول بالـي=في أمـل بـرقٍ يلـوح وهاملـه طـال إنتظـاره
والهوى ؟ ماهاب من عنتـر وأبوزيـد الهلالـي=هيّب اللي مايهاب , وممتلـي راسـه سطـاره .!
وسالمين |
يسلام يسلام عليك يابو محمد
والله
جزل جزل جزل
وخذني اللّي بالكرم حاتم .. بأحاسيسـي ومالـي=واحدٍ لاأعطـاك ماتـدري يمينـه عـن يسـاره
اما بذي انا اشهد و vital تشهد 
ولو جحد الكافرون 
صح كلك