[المفاوض]

المشاركة الأصلية كتبت بواسطة ابوجراح

في جريدة الوطن يوم الجمعه بتاريخ 19 / 6 / 2009 قرأت واستمتعت بهذه القصيده والتي كانت

ضمن لقاء مطوّل للشاعر والاعلامي : حمد المسرع


النوم سلطان ونعاسي غلب عيني :: تصبح على خير واشوفك بعد بكره

هللحين اخليك لكن لا تخليني :: الله معك ياغلا لكن على فكره ؟؟

باحاول اصبر عسى صبري يسليني :: لو كان شوقي طواني طوية المكره

الله يساعد عيوني لين تاتيني :: ابنتضر والصبر في غيبتك سكره

نام وتلحف وانا يابهجة سنيني :: ماني بناسي الوعد باعيش مفتكره

من قال طيفك عن غيابك يكفيني :: ياللي جمعت الجمال وصرت محتكره

من كثر ماشوفك انت احلى محبيني :: لا شفت غيرك ضحكت وقلت ياجكره

ابنتضر وانت كم قد لك تمنيني :: بذكرك بالطيب والطيّب على ذكره

تبي تعرف الغلا وشلون باليني :: يشبه غلا اللي من عياله عشق بكره

يامن بزينه ملك عرش السلاطيني :: ياعين حر ٍ تشوف الصيد في وكره

لا تسمع الناس لحد ٍ يقنعك فيني :: العاذل اصلا ً ترى ماينومن مكره

وارجوك انا بالغلا لحد ٍ يساويني :: دام الهوا لك بروحي شي مبتكره

باقي على شوفتك يالترف يوميني :: لو طاف الاول انا كيف احتمل بكره ؟؟؟


للشاعر : حمد بن سعد المسرع

صح لسان المبدع حمد المسرع


ولا هنت ابو جراح على نقلك المميز وعسانا ماننحرم من ذوقك الراقي